Back Patrimoni Nacional Catalan Patrimonio Nacional German Patrimonio Nacional English Patrimonio Nacional Spanish Patrimonio Nacional Basque Patrimoine national (Espagne) French Patrimonio Nacional Dutch Património Nacional (Espanha) Portuguese Patrimonio Nacional Swedish
Patrimonio Nacional é un ente autónomo, dependente do Ministerio da Presidencia de España, dedicado ao mantemento dos bens de titularidade estatal a disposición do rei de España e da familia real española para o seu uso como residencia ou para celebrar actos de Estado ou cerimonias oficiais.
Os bens administrados por Patrimonio Nacional comprenden pazos, xardíns, conventos e mosteiros, os chamados Reais Sitios. Con esta denominación coñécense os lugares onde se atopan as residencias da familia real española, a maior parte preto de Madrid e que foron utilizados tradicionalmente para o reposo, lecer ou como residencia de inverno ou verán para os monarcas españois, así como os espazos onde se atopanan as instalacións de servizo para a antiga Corte.
Durante o reinado de Afonso XIII este organismo recibía o nome de Patrimonio Real.